តើករណីមិនធានាជាចម្បងមានអ្វីខ្លះក្រោមបណ្ណសន្យារ៉ាប់រងនេះ?
ករណីមរណភាពដែលមិនឋិតនៅក្រោមការធានា៖
- ករណីអ្នកត្រូវបានធានារ៉ាប់រងទោះមានស្មារតីប្រក្រតី ឬមិនប្រក្រតីក្តីធ្វើអត្តឃាតក្នុងរយៈពេល 24ខែគិតចាប់ពីថ្ងៃបណ្ណសន្យារ៉ាប់រងមានសុពលភាព
- មរណភាពបណ្តាលមកពីការប្រព្រឹត្ត ឬប៉ុនប៉ងប្រព្រឹត្តបទល្មើស។
ករណីពិការភាពទំាងស្រុង និងជាអចិន្ត្រៃយ៍ និងពិការភាពដោយផ្នែក និងជាអចិន្ត្រៃយ៍ដោយសារគ្រោះថ្នាក់៖
ក្រុមហ៊ុននឹងមិនធ្វើការធានានៅរាល់ការបាត់បង់ និងពិការភាពរបស់អ្នកត្រូវបានធានារ៉ាប់រងដែលបណ្តាលមកពីករណីខាងក្រោមទោះដោយផ្ទាល់មិនផ្ទាល់ក្តី និងទំាងស្រុង ឬដោយផ្នែកក្តី៖
- ការធ្វើអត្តឃាត ឬប៉ុនប៉ងធ្វើអត្តឃាត ឬធ្វើឲ្យរបួសខ្លួនឯង ទោះមានស្មារតីប្រក្រតី ឬមិនប្រក្រតីក្តី ឬបណ្តាលមកពីការបង្ករបួសដោយចេតនា
- អ្នកត្រូវបានធានារ៉ាប់រងមានផ្ទុកវីរុសហ៊ីវ (HIV) ឬមានឆ្លងមេរោគអេដស៍ ឬមានជាប់ពាក់ព័ន្ធនឹងមេរោគអេដស៍
- សង្គ្រាម (ទោះបីជាមាន ឬគ្មានការប្រកាស) ការឈ្លានពាន សកម្មភាពបង្កហេតុដោយប្រទេសបរទេសណាមួយ សង្គ្រាមស៊ីវិល បដិវត្តន៍ ការបះបោរ សកម្មភាពបង្កហេតុដោយសត្រូវណាម្នាក់ កុប្បកម្ម កូតកម្ម ការប្រឆំាងនឹងរាជរដ្ឋាភិបាល និងភេរវកម្ម
- អ្នកត្រូវបានធានារ៉ាប់រងប្រព្រឹត្តបទល្មើសព្រហ្មទណ្ឌ ឬឋិតនៅក្រោមការចាប់ខ្លួន បានចាប់ខ្លួន ឬកំពុងរត់គេចពីការចាប់ខ្លួន
- ចូលរួមក្នុងសកម្មភាពអាកាសចរណ៍នានា តាមរយៈយន្តហោះដែលគ្មានអាជ្ញាបណ្ណត្រឹមត្រូវក្នុងការដឹកអ្នកដំណើរ ឬមិនមែនជាយន្តហោះ អាកាសចរណ៍ពាណិជ្ជកម្ម
- អ្នកត្រូវបានធានារ៉ាប់រងជាអ្នកបើកយន្តហោះ ឬជាអ្នកបម្រើការលើយន្តហោះ
- អ្នកត្រូវបានធានារ៉ាប់រងកំពុងបម្រើការយោធា នគរបាល ឬអ្នកស្ម័គ្រចិត្ត និងចូលរួមក្នុងសកម្មភាពសង្គ្រាម និងការឈ្លានពាន
- ការបាត់បង់អវយវៈ ជម្ងឺផ្សេងៗ ឬការរងរបួសដោយមិនបានជូនដំណឹងដល់ក្រុមហ៊ុនមុនកាលបរិច្ឆេទបណ្ណសន្យារ៉ាប់រងមានសុពលភាព
- ការរងរបួសដែលបណ្តាលមកពីទង្វើរបស់អ្នកត្រូវបានធានារ៉ាប់រង ដែលឋិតនៅក្រោមឥទ្ធិពលនៃគ្រឿងស្រវឹង ឬគ្រឿងញៀន ឬឋិតក្រោម ស្ថានភាពដែលមិនអាចគ្រប់គ្រងសតិបាន។ ក្នុងលក្ខខណ្ឌនេះ កម្រិតជាតិអាកុលក្នុងឈាមលើសពី 0.8 ក្រាមក្នុងមួយលីត្រនឹងត្រូវបានកំណត់ និងគ្មានការទូទាត់សំណងក្នុងស្ថានភាពនោះឡើយ។
អត្ថប្រយោជន៍បន្ថែមនៃករណីមរណភាពបណ្តាលមកពីគ្រោះថ្នាក់
អត្ថប្រយោជន៍ករណីមរណភាពបណ្តាលមកពីគ្រោះថ្នាក់នឹងមិនត្រូវបានទូទាត់ជូនឡើយ ប្រសិនបើមរណភាពបណ្តាលមកពីគ្រោះថ្នាក់របស់អ្នកត្រូវបានធានា រ៉ាប់រងនោះកើតឡើងដោយសារករណីណាមួយខាងក្រោមទោះដោយផ្ទាល់ ឬដោយប្រយោលក្តី និងទោះទំាងស្រុង ឬដោយផ្នែកក្តី៖
- អ្នកត្រូវបានធានារ៉ាប់រងបានប្រព្រឹត្តល្មើសនឹងបទបញ្ញត្តិច្បាប់ជាធរមាន
- អ្នកត្រូវបានធានារ៉ាប់រងឋិតនៅក្រោមឥទ្ធិពលនៃគ្រឿងស្រវឹង ឬគ្រឿងញៀនដូចដែលបានកំណត់ដោយគ្រូពេទ្យ
- ការបង្ករបួសដោយខ្លួនឯងទោះមានស្មារតីប្រក្រតី ឬមិនប្រក្រតីក្តី
- អ្នកត្រូវបានធានារ៉ាប់រងបានចូលរួមក្នុងសកម្មភាពទ័ពជើងទឹក យោធា ឬជើងអាកាសក្នុងពេលប្រទេសមានសន្តិភាព
- អ្នកត្រូវបានធានារ៉ាប់រងចូលរួម ឬទទួលវគ្គហ្វឹកហ្វឺនសម្រាប់សកម្មភាពកីឡា ឬការប្រកួតប្រជែងដែលមានគ្រោះថ្នាក់ ឬការជិះ បើកបរក្រោមទម្រង់ជាការប្រណំាង ឬការប្រកួតប្រជែង
- អ្នកត្រូវបានធានារ៉ាប់រងធ្វើអត្តឃាតទោះមានស្មារតីប្រក្រតី ឬមិនប្រក្រតីក្តី
- អ្នកត្រូវបានធានារ៉ាប់រងចូលរួមក្នុងសកម្មភាពហោះហើរ ការហោះសំកំាងពីលើអាកាស ឬការហោះហើរផ្សេងទៀត លើកលែងតែជាអ្នកដំណើរដែលត្រូវបង់ប្រាក់ថ្លៃធ្វើដំណើរតាមយន្តហោះរបស់ក្រុមហ៊ុនអាកាសចរណ៍ដែលមានកាលវិភាគធ្វើដំណើរត្រឹមត្រូវ និងជាប្រចំា
- មរណភាពបណ្តាលមកពីសង្គ្រាម ការឈ្លានពាន សង្រ្គាមស៊ីវិល ការបះ បោរ ឬការប្រឆំាង។
