តើផលិតផលធានារ៉ាប់រងអាយុជីវិតនេះមានលក្ខណៈពិសេសអ្វីខ្លះ?

• នេះគឺជាផលិតផលធានារ៉ាប់រងអាយុជីវិតដែលអាចបន្តសុពលភាពឡើងវិញជារៀងរាល់ឆ្នំា ដោយមិនតម្រូវឲ្យមានការចូលរួម ឬចូលរួមដោយស្ម័គ្រចិត្តដែលស័ក្តសមបំផុតសម្រាប់បុគ្គលិកក្រុមហ៊ុន និងសមាជិករបស់សមាគមផ្សេងៗ។
• ចំពោះបុគ្គលិក ឬសមាជិកដែលមានការស្ម័គ្រចិត្តចូលរួមអាចជ្រើសរើសនូវ 4គម្រោងជាមួយបុព្វលាភធានារ៉ាប់រងប្រចំាខែខុសៗគ្នាទៅតាមជម្រើសនីមួយៗ។ បុព្វលាភធានារ៉ាប់រងប្រចំាខែដែលបានជ្រើសរើសនឹងត្រូវបានកាត់កងដោយនាយកដ្ឋានធនធានមនុស្ស ឬនាយកដ្ឋានហិរញ្ញវត្ថុរបស់ក្រុមហ៊ុន និងសមាគមចូលរួម ដើម្បីបង់ជូនក្រុមហ៊ុន ហ្វតតេ ឡាយហ្វ៍ អឹសួរ៉ិនស៍។
• គម្រោងធានារ៉ាប់រងអាយុជីវិតដែលមានលក្ខណៈពិសេសនេះ អនុញ្ញាតឲ្យសមាជិកដែលបានចូលរួមអាចទទួលបាននូវការការពារខ្ពស់ក្នុងតម្លៃទាប។ បន្ថែមពីនេះទៀត ផលិតផលធានារ៉ាប់រងអាយុជីវិតនេះដែរក៏ផ្តល់ឲ្យសមាជិកចូលរួមនូវប្រាក់ចូលនិវត្តន៍មួយចំនួននៅអាយុ 60ឆ្នំា។ មិនតែប៉ុណ្ណោះ សមាជិកចូលរួមអាចមានជម្រើសជាវការធានារ៉ាប់រងដល់ប្តី ឬប្រពន្ធនិងកូនៗរបស់ពួកគាត់ថែមទៀតផង។

តើការធានារ៉ាប់រង និងអត្ថប្រយោជន៍មានអ្វីខ្លះ?

ផលិតផលធានារ៉ាប់រងអាយុជីវិតជាក្រុមរបស់ក្រុមហ៊ុន ហ្វតតេ ឡាយហ្វ៍ ផ្តល់ឲ្យសមាជិកចូលរួមនូវការធានារ៉ាប់រង និងអត្ថប្រយោជន៍ដូចខាងក្រោម៖

• អត្ថប្រយោជន៍ករណីមរណភាពដោយមូលហេតុណាមួយ៖ ក្រុមហ៊ុននឹងទូទាត់​ 100% នៃចំនួនទឹកប្រាក់ធានារ៉ាប់រងទៅឲ្យក្រុមគ្រួសាររបស់សមាជិកចូលរួម។
• អត្ថប្រយោជន៍ករណីមរណភាពដោយសារគ្រោះថ្នាក់៖ ក្រុមហ៊ុននឹងទូទាត់ 200% នៃចំនួនទឹកប្រាក់ធានារ៉ាប់រងទៅឲ្យក្រុមគ្រួសាររបស់សមាជិកចូលរួម។
• អត្ថប្រយោជន៍ករណីពិការភាពទំាងស្រុង និងជាអចិន្ត្រៃយ៍ដោយសារជម្ងឺ ឬគ្រោះថ្នាក់៖ ក្រុមហ៊ុននឹងទូទាត់​ 100% នៃចំនួនទឹកប្រាក់ធានារ៉ាប់រងទៅឲ្យក្រុមគ្រួសាររបស់សមាជិកចូលរួម។
• អត្ថប្រយោជន៍សម្រាប់ការចំណាយចូលរួមរំលែកមរណទុក្ខចំនួន 1000 ដុល្លារដែលមាននៅរាល់គម្រោងទំាងអស់ករណីមរណភាពដោយសារមូលហេតុណាមួយ លើកលែងតែគម្រោងក្រោមតម្លៃ 5 ដុល្លារដែលអត្ថប្រយោជន៍សម្រាប់ការចំណាយចូលរួមរំលែកមរណទុក្ខមានចំនួន 500 ដុល្លារ។
• អត្ថប្រយោជន៏នៃទឹកប្រាក់បន្ថែមបង្គរ៖ បុព្វលាភធានារ៉ាប់រងប្រចំាខែដែលប្រមូលបាននឹងត្រូវកាត់កងលើចំណាយហានិភ័យ និងចំណាយសេវាធានារ៉ាប់រងផ្សេងៗ ដែលមាន។ ចំពោះចំនួនលើសវិញ នឹងត្រូវដាក់បញ្ញើជាមួយក្រុមហ៊ុនសម្រាប់បង្គរទុកប្រចំាឆ្នំា ហើយក្រុមហ៊ុននឹងប្រកាសនូវទឹកប្រាក់បង្គរនោះជារៀងរាល់ឆ្នំា។
• ករណីសមាជិកចូលរួមមានអាយុចាប់ពី 50ឆ្នំាឡើងទៅ គ្រប់គម្រោងធានារ៉ាប់រងនឹងត្រូវកែសម្រួលមកត្រឹម 75% នៃចំនួនទឹកប្រាក់ធានារ៉ាប់រងដែលបានជ្រើសរើសរួច។ បុព្វលាភធានារ៉ាប់រងប្រចំាខែដែលត្រូវបង់មិនមានការប្រែប្រួលឡើយ។

តើខ្ញុំត្រូវបង់បុព្វលាភធានារ៉ាប់រងប៉ុន្មាន?

• លោកអ្នកអាចជ្រើសរើសបង់នូវបុព្វលាភធានារ៉ាប់រងចាប់ពី 5 ដុល្លារក្នុងមួយខែរហូតដល់ 20 ដុល្លារ។ ការចូលរួមចំណែកបង់នូវបុព្វលាភធានារ៉ាប់រងប្រចំារបស់លោកអ្នកសរុបដែលបូកបញ្ចូលប្តីឬប្រពន្ធ និងកូនហើយមិនគួរមានចំនួនលើសពី 10% នៃចំណូលដុលប្រចំាខែរបស់លោកអ្នកនោះទេ ដើម្បីប្រាកដថាគម្រោងដែលលោកអ្នកបានជ្រើសរើសអាចឆ្លើយតបទៅនឹងតម្រូវការហិរញ្ញវត្ថុរបស់ក្រុមគ្រួសារលោកអ្នក។
• បុព្វលាភធានារ៉ាប់រងអប្បបរមាគឺ 5 ដុល្លារក្នុងមួយខែ។
• គម្រោងធានារ៉ាប់រងនេះ គឺសម្រាប់អ្នកត្រូវបានធានារ៉ាប់រងដែលឋិតនៅក្នុងស្តង់ដារហានិភ័យធានារ៉ាប់រងប៉ុណ្ណោះ។ ចំពោះអ្នកត្រូវបានធានារ៉ាប់រងដែលឋិតនៅក្រោមស្តង់ដារហានិភ័យធានារ៉ាប់រងមិនអាចចូលរួមក្នុងគម្រោងនេះបានឡើយ។
• បុព្វលាភធានារ៉ាប់រងនឹងត្រូវបានកាត់កងជាប្រចំាខែ ដោយនាយកដ្ឋានធនធានមនុស្សរបស់ក្រុមហ៊ុន ឬសមាគម រហូតដល់បុគ្គលិកឈានដល់អាយុ 60 ឬលាឈប់ ឬត្រូវបានបញ្ឈប់ពីការងារដោយគិតយកកាលបរិច្ឆេទមុខគេ។
• រយៈពេលអនុគ្រោះ៖ នាយកដ្ឋានធនធានមនុស្សរបស់ក្រុមហ៊ុន ឬសមាគមនឹងទទួលបានរយៈពេលអនុគ្រោះចំនួន 30 ថ្ងៃបន្ទាប់ពីថ្ងៃដល់កំណត់បង់បុព្វលាភធានារ៉ាប់រងក្នុងការបង់ដោយផ្ទាល់ទៅក្រុមហ៊ុន ហ្វតតេ​ ឡាយហ៍្វ។

តើករណីមិនធានាជាចម្បងមានអ្វីខ្លះក្រោមបណ្ណសន្យារ៉ាប់រងនេះ?

អត្ថប្រយោជន៍ករណីមរណភាព៖

• ករណីអ្នកត្រូវបានធានារ៉ាប់រង​ទោះមានស្មារតីប្រក្រតី ឬមិនប្រក្រតីក្តី ធ្វើអត្តឃាត​ក្នុងរយៈពេល 24ខែគិតចាប់ពីកាលបរិច្ឆេទ​បណ្ណសន្យារ៉ាប់រងមាន​សុពលភាព ឬកាលបរិច្ឆេទដាក់ឲ្យអនុវត្តឡើងវិញនៃបណ្ណសន្យារ៉ាប់រងដោយយកកាលបរិច្ឆេទចុងក្រោយគេ ហើយបណ្ណសន្យារ៉ាប់រងនឹងអស់សុពលភាព ដោយក្រុមហ៊ុននឹងបង្វិលសងបុព្វលាភធានារ៉ាប់រងដែលបានបង់បន្ទាប់ពីកាត់កងនូវបំណុលដែលមានក្រោមបណ្ណសន្យារ៉ាប់រងនេះបើមាន។
• អត្ថប្រយោជន៍ករណីមរណភាពនឹងមិនត្រូវបានទូទាត់ ប្រសិនបើមរណភាពនោះគឺបណ្តាលមកពីការប្រព្រឹត្ត ឬប៉ុនប៉ងប្រព្រឹត្តបទល្មើស។

ករណីពិការភាពទំាងស្រុង និងជាអចិន្ត្រៃយ៍៖

មានករណីមួយចំនួនដែលក្រុមហ៊ុននឹងមិនធ្វើការទូទាត់នូវអត្ថប្រយោជន៍ករណីពិការភាពទំាងស្រុង និងជាអចិន្ត្រៃយ៍ ឧទាហរណ៍ដូចជា៖

• ការធ្វើអត្តឃាត ឬប៉ុនប៉ងធ្វើអត្តឃាត ឬធ្វើឲ្យរបួសខ្លួនឯងទោះមានស្មារតីប្រក្រតី ឬមិនប្រក្រតីក្តី ឬបណ្តាលមកពីការបង្ករបួសដោយចេតនា
• ការប្រព្រឹត្តបទល្មើស
• ឋិតនៅក្រោមឥទ្ធិពលនៃគ្រឿងស្រវឹង ឬគ្រឿងញៀន ឬសារជាតិញៀន
• មានឆ្លងមេរោគអេដស៍ ឬមានជាប់ពាក់ព័ន្ធនឹងវីរុសហ៊ីវ (HIV)

មរណភាពដោយសារគ្រោះថ្នាក់

លោកអ្នកនឹងមិនទទួលបានការធានារ៉ាប់រង ប្រសិនបើមរណភាពដោយសារគ្រោះថ្នាក់នោះបណ្តាលមកពីករណីមិនធានាដូចខាងក្រោម៖

• ការបង្ករបួស ឬប៉ុនប៉ងបង្ករបួសដោយខ្លួនឯងទោះជាមានស្មារតីប្រក្រតី ឬ មិនប្រក្រតីក្តី
• ឋិតក្រោមឥទ្ធិពលនៃគ្រឿងស្រឹង ឬគ្រឿងញៀន ឬសារជាតិណាកូទីន
• ការប្រព្រឹត្តល្មើស ឬប៉ុនប៉ងប្រព្រឹត្តល្មើសបទបញ្ញត្តិច្បាប់ជាធរមាន ឬឋិតក្រោមការចាប់ខ្លួន
• ការចូលរួមក្នុងការប្រណំាងគ្រប់ប្រភេទ លើកលែងតែការប្រណំាងថ្មើរជើង

តើខ្ញុំត្រូវបង់ថ្លៃសេវាអ្វីខ្លះ?

• រាល់ថ្លៃសេវា និងប្រាក់ពន្ធផ្សេងៗគឺត្រូវបានបូកបញ្ចូលក្នុងបុព្វលាភធានារ៉ាបរងសរុបនៃបណ្ណសន្យារ៉ាបរង។ ម្ចាស់បណ្ណសន្យារ៉ាប់រងមិនតម្រូវឲ្យបង់ថ្លៃសេវាអ្វីឡើយ។

តើខ និងលក្ខខណ្ឌអ្វីខ្លះដែលខ្ញុំត្រូវដឹង?

• សារៈសំខាន់នៃការបង្ហាញព័ត៌មាន៖ លោកអ្នកត្រូវបង្ហាញការពិតជាសារវន្តទំាងអស់ ដូចជាស្ថានភាពសុខភាព អាយុពិតប្រាកដ
• រយៈពេលពិចារណាចុងក្រោយ៖ លោកអ្នកអាចស្នើសុំលុបចោលបណ្ណសន្យារ៉ាប់រង ដោយធ្វើការប្រគល់ជូនវិញនូវបណ្ណសន្យារ៉ាប់រងក្នុងរយៈពេល 15ថ្ងៃគិតចាប់ពីថ្ងៃដែលលោកអ្នកទទួលបានបណ្ណសន្យារ៉ាប់រង ប្រសិនបើការធានារ៉ាប់រងក្រោមបណ្ណសន្យារ៉ាប់រងនោះមិនស្របទៅតាមបំណងរបស់លោកអ្នក។ បុព្វលាភធានារ៉ាប់រងដែលលោកអ្នកបានបង់ (ដោយកាត់ កងចេញនូវថ្លៃពិនិត្យសុខភាព បើមាន) នឹងត្រូវបានបង្វិលសងលោកអ្នកវិញ។
• ចំនួនទឹកប្រាក់បន្ថែមបង្គរក្នុងមួយឆ្នំា គឺអាស្រ័យលើហានិភ័យទៅតាមអាយុរបស់លោកអ្នក ហើយក្រុមហ៊ុននឹងប្រកាសនូវចំណាយផ្សេងៗទាក់ទងនឹងសេវាធានារ៉ាប់រង និងអត្រាភាគលាភផ្សេងៗដែលមានជារៀងរាល់ឆ្នំា។
• ប្រសិនបើលោកអ្នកលុបចោលបណ្ណសន្យារ៉ាប់រងមុនពេលលោកអ្នកឈានដល់អាយុ 60ឆ្នំា ឬដោយសារលាឈប់ពីក្រុមហ៊ុន ឬសមាគមនោះចំនួនទឹកប្រាក់បន្ថែមបង្គរនឹងត្រូវបានទូទាត់ជូនលោកអ្នក។ ប៉ុន្តែទឹកប្រាក់បន្ថែមបង្គរនេះនឹងមិនត្រូវបានទូទាត់ជូនក្នុងអំឡុងពេល 12ខែដំបូងនៃឆ្នំាបណ្ណសន្យារ៉ាប់រងមានសុពលភាពឡើយដូចមានចែងនៅក្នុងវិញ្ញាបនបត្រនៃការធានារ៉ាប់រងអាយុជីវិត។
• លោកអ្នកនឹងពេញចិត្តនូវផលិតផលធានារ៉ាប់រងអាយុជីវិតដែលលោកអ្នកបានជ្រើសរើស ហើយចំនួនបុព្វលាភធានារ៉ាប់រងដែលលោកអ្នកត្រូវបង់គឺអាស្រ័យទៅតាមលទ្ធភាពរបស់លោកអ្នកក្នុងរយៈពេលនៃបណ្ណសន្យារ៉ាប់រង។
• រាល់ការស្នើសុំធានារ៉ាប់រងត្រូវឆ្លងកាត់ការអនុម័តរបស់នាយកដ្ឋានវាយតម្លៃហានិភ័យធានារ៉ាប់រង។

ខ្ញុំអាចលុបចោលបណ្ណសន្យារ៉ាប់រងរបស់ខ្ញុំបានទេ?

• លោកអ្នកអាចស្នើសុំលុបចោលបណ្ណសន្យារ៉ាប់រងបានដោយគ្រាន់តែធ្វើការជូនដំណឹងជាលាយលក្ខណ៍អក្សរមកកាន់ក្រុមហ៊ុន ហ្វតតេ ឡាយហ្វ៍ អឹសួរ៉ិនស៍ (ខេមបូឌា) ភីអិលស៊ី។ ក៏ប៉ុន្តែការទិញនូវផលិតផលធានារ៉ាប់រងគឺជាការវិនិយោគផ្នែកហិរញ្ញវត្ថុរយៈពេលវែងសម្រាប់ជាអត្ថប្រយោជន៍របស់សមាជិកក្រុមគ្រួសាររបស់លោកអ្នក។ ហេតុដូច្នេះ លោកអ្នកត្រូវពិចារណាឲ្យបានល្អិតល្អន់មុននឹងធ្វើការសម្រេចចិត្តលុបចោលបណ្ណសន្យារ៉ាប់រង។
• ប្រសិនបើលោកអ្នកមិនបានបង់បុព្វលាភធានារ៉ាប់រងក្នុងរយៈពេលអនុគ្រោះនោះទេបណ្ណសន្យារ៉ាប់រងរបស់លោកអ្នកនឹងអស់សុពលភាពបណ្តោះអាសន្ន ហើយក្រុមហុននឹងទូទាត់ទឹកប្រាក់បន្ថែមបង្គរជូនលោកអ្នកប្រសិនបើបណ្ណសន្យារ៉ាប់រងមានសុពលភាពលើសពី 12ខែ។

តើខ្ញុំត្រូវធ្វើអ្វីខ្លះ ប្រសិនបើអាសយដ្ឋានទំនាក់ទំនងរបស់ខ្ញុំមានការផ្លាស់ប្តូរ?

• សូមលោកអ្នកទាក់ទងមកក្រុមហ៊ុន ហ្វតតេ ឡាយហ្វ៍ អឹសួរ៉ិនស៍ (ខេមបូឌា) ភីអិលស៊ី ប្រសិនបើអាសយដ្ឋានទំនាក់ទំនងរបស់លោកអ្នកមានការផ្លាស់ប្តូរ ដើម្បីប្រាកដថាក្រុមហ៊ុនអាចជូនដំណឹងទៅកាន់លោកអ្នកបានទាន់ពេលវេលា។

• ជូនដំណឹងមកក្រុមហ៊ុន ហ្វតតេ ឡាយហ្វ៍ ក្នុងរយៈពេល 30ថ្ងៃគិតចាប់ពីថ្ងៃមានហេតុអកុសលកើតឡើង
• ប្រគល់ជូនឯកសារទាមទារសំណងក្នុងរយៈពេល 90ថ្ងៃ
• សំណើសុំទាមទារសំណងនឹងត្រូវបានចាត់ចែង និងទូទាត់ក្នុងរយៈពេល 10ថ្ងៃធ្វើការបន្ទាប់ពីទទួលបានឯកសារគ្រប់គ្រាន់
• សម្រាប់ព័ត៌មានបន្ថែមសូមទាក់ទងមកកាន់នាយកដ្ឋានទាមទារសំណងតាមរយៈទូរសព្ទលេខ 081 885 399 ឬតាមរយៈអ៉ីម៉ែល sopheak@fortelifeassurance.com